社交媒體原來係咁簡單，只要你真心搵人幫你，人哋就會幫，啲反應好直接！上週五簡單一句請大家幫手share我個po，十幾人馬上幫手！所以我一定要同你哋講聲「唔該晒」！
相比之下，大機構內要揾人幫真係好難。好多人心機算盡，又唔想畀你累，又唔想畀你威，一hi到佢哋嘅範疇仲當正你仇人，個人利害往往凌駕事實、道理和公義。總之唔潑冷水、唔拉後腿、唔篤背脊、唔抽水就已經當幫忙！
明天我會開始分享一下，自己作為香港人點睇「住房問題」。我認為呢個根本就係貧富不均嘅問題，關乎所有香港人，而且已到了「危在旦夕」嘅地步。所以我繼續請大家幫手，無論你同唔同意我嘅睇法，都請你share我明天個po畀你啲friend，等大家認真諗下呢個問題，畀下意見，盡能力理性發聲！
我嘅強項係夠晒幼稚。我相信終有一日，我哋可以組成好大班人，以理據向政府表達意見而唔係齋鬧。希望到時在位嘅人會將公義和道理放在首位，唔會淨係掛住defend自己。
Search